BASCOAT - Presoners politics bascos : ua cauma de la hami de 50 dias
En français plus bas.
Après aver miat ua cauma de la hami e de la comunicacion despuish deu 9 de seteme dinc au 30 d’octobre 2020, lo presonèr politic basco Iñaki Bilbao Goikoetxea qu’anoncia ua navèra cauma - aquesta de la hami e de la set - a comptar deu 2 de noveme qui vien.
Lo 4 de seteme 2020, lo presonèr politic basco Igor Gonzalez Sola qu’èra trobat mort a la soa jaula de la preson de Martutene (Donostia, EH). En reaccion entad aquò, lo 8 de seteme, los presonèrs politics bascos Patxi Ruiz, Jon Kepa Preciado, Mikel San Sabastian e Dani Pastor qu’efectuavan ua dejoada de 24 òras “entà denonciar l’assassinat politic” deu lor camarada, en exprimir “la lor solidaritat damb la soa familha e los sons amics”.
Ja qu’agi hèit en 2017 ua auta cauma de la hami damb lo madeish objectiu - estancada après 30 dias pr’amor de la soa santat - lo 8 de seteme 2020, Iñaki Bilbao Goikoetxea “Txikito” qu’anonciè que començaré l’endedia a 00:00 “ua cauma illimitada de la hami e de la comunicacion” entad “arreïvindicar un Bascoat independent, socialista, unificat [e non pas talhat en dus per ua frontèra artificiau, ndla] e bascofòne [l’importància de la lenga basca qu’ei arredusida per la politica linguistica deus Estats espanhou e francés, ndla]”, pr’amor “qu’ei l’unica solucion vitable tà la societat basca”. Aquesta cauma que durarà 50 dias. Segon que ditz lo Movement entà l’Amnistia e contra l’Arrepression, après 36 ans a la preson - ara qu’ei a Puerto III, “ua de las mei duras, sinon la mei dura de l’Estat espanhou” - lo sol mejan de mobilizacion qu’a lo Txikito “qu’ei de har aquesta protèsta e de la publicar”.
Qu'èra hèra flac mes qu'avèva la volontat de miar la luta dinc au finau
Lo 28 de seteme, lo Txikito qu’estó transferit a l’espitau de Puerto per decision de l’Audiencia Nacionau de Madrid “entau manténguer viu damb tots los mejans”. Aqueth òrdi “que determina ua actitud politica de l’Estat [espahnou]”, pr’amor qu’aqueth transferiment “qu’implica ua alimentacion forçada deu Txikito”, segon lo M.A.A. A la soa arribada a l’espitau, que’u injectèn quauqu’arren per via intravenhosa. Lo Txikito que demandè que dèishin lo suenhs de tira. Au son tornar a l’infirmeria de la preson, que contè que sofriva de terribles dolors aus arnelhs”.
Lo presonèr politic basco Dani Pastor - qui s’ei trobat damb Txikito a l’infirmeria de la preson de Puerto III abans lo transferiment - qu’afirmè qu’aqueth darrèr “qu’èra hèra flac, mes tanben qu’avèva la volontat de miar la soa luta dinc au finau”. Tanben, lo Dani Pastor qu’anonciè ua dejoada d’eth-madeish, deu tanben presonèr politic basco Oskar Barreras e deu presonèr politic deu PCE(r) Juan García Martín, en solidaritat damb Txikito.
Ne podem pas arrenonciar a aquò
Au Bascoat, que’s debanè mantua mobilizacion - tau com la manifestacion nacionau deu 10 d’octobre 2020 a Bilbo o las dejoadas viradissas a Basauri - en solidaritat damb Txikito. “La [soa] luta n’ei pas personau, qu’ei la nosta luta. La luta de la classa obrèra e de las estratas popularas deu Bascoat”. Lo M.A.A. que declara : “n’i a pas nada volontat ni interès o enveja sufisenta tà que sian arrespectats los dreits nacionaus e sociaus deu Bascoat, los dreits de la classa obrèra, los drets deus presoners”. “Que hèm çò que podem mes si los qui an mei fòrça ne hèn pas arren, la situacion que sembla un pòc mauaisida, peu moment”. “Çò que’ns demòra [...] qu’ei sortir a la carrèra e denonciar, e har vistable çò que ha [Txikito]”. “Ne podem pas escóner lo debat qui ei aquí. Que podem estar d’acòrd o non damb los objectius politics deu Txikito, que dinc a i a quauques ans èran objectius de çò que’s coneish com l’esquèrra patriotica". Que cau "un futur entà nosautes e los nòstes hilhs e hilhas, en libertat, damb la nòsta cultura, la nòsta lenga egau a las autas, ni mens ni mei, de faiçon socialista, que sia solidari damb la rèsta deu monde. Ne podem pas arrenonciar a aquò, aqueth debat quiòc que deu estar hicat sus la taula”.
Lo 30 d'octobre 2020, après aver estat transferit un còp de mei a l'espitau e après 50 dias de cauma de la hami, Iñaki Bilbao Goikoetxea qu'a deishat la soa cauma. Damb "ua votz flaca" mes en estar "hòrt e lucide", que declarè que "la luta qu'èra en miar n'èra pas acabada" : lo 2 de noveme 2020, que començarà ua cauma deu hami e de la set.
⸻
En français :
Après avoir mené une grève de la faim et de la communication du 9 septembre au 30 octobre 2020, le prisonnier politique basque Iñaki Bilbao Goikoetxea “Txikito” annonce une nouvelle grève - celle-ci de la faim et de la soif - à partir du 2 novembre prochain.
Le 4 septembre 2020, le prisonnier politique basque Igor Gonzalez Sola était retrouvé mort dans sa cellule de la prison de Martutene (Donostia, EH). En réaction à cela, le 8 septembre, les prisonniers politiques basques Patxi Ruiz, Jon Kepa Preciado, Mikel San Sebastian et Dani Pastor effectuaient un jeûne de 24 heures “pour dénoncer l’assassinat politique” de leur camarade, exprimant “leur solidarité avec sa famille et ses amis”.
Bien qu’il ait fait en 2017 une autre grève de la faim avec le même objectif - arrêtée après 30 jours pour des raisons de santé - le 8 septembre 2020, Iñaki Bilbao “Txikito” annonça qu’il commencerait le lendemain à 00:00 “une grève illimitée de la faim et de la communication” pour “revendiquer un Pays basque indépendant, socialiste, unifié [et non pas coupé en deux par une frontière artificielle, ndr] et bascophone [l’importance de la langue basque est réduite par la politique linguistique des États espagnol et français]”, car “c’est l’unique solution viable pour la société basque”. Cette grève durera 50 jours. Selon le Mouvement pour l’Amnistie et contre la Répression, après 36 ans en prison - actuellement il est à Puerto III, “une des plus dures, sinon la plus dure de l’État espagnol” - le seul moyen de mobilisation qu’a Txikito “est de faire cette protestation et de la rendre publique”.
Il était très faible mais il avait la volonté de mener sa lutte jusqu'au bout
Le 28 septembre, Txikito fut transféré à l’hôpital de Puerto sur décision de l’Audience Nationale de Madrid “pour le maintenir en vie par tous les moyens”. Cet ordre “détermine une attitude politique de l’État [espagnol]”, car ce transfert “implique une alimentation forcée de Txikito”, selon le M.A.R. À son arrivée à l’hôpital, il lui fut injecté quelque chose par intraveineuse. Txikito demanda à ce que cessent les soins immédiatement. À son retour à l’infirmerie de la prison, il raconta qu’il souffrait de terribles douleurs aux reins.
Le prisonnier politique basque Dani Pastor - qui s’est trouvé avec Txikito à l’infirmerie de la prison de Puerto III avant le transfert - affirma que ce dernier “était très faible, mais [qu’]il avait aussi la volonté de mener sa lutte jusqu’au bout”. Aussi, Dani Pastor annonça un jeûne de lui-même, du prisonnier politique basque Oskar Barreras et du prisonnier politique du PCE(r) Juan García Matrín, en solidarité avec Txikito.
Nous ne pouvons pas renoncer à cela
Au Pays basque ont eu lieu de nombreuses mobilisations - telles que la manifestation nationale du 10 octobre 2020 à Bilbo ou les jeûnes tournants à Basauri - en solidarité avec Txikito. “Sa lutte n’est pas personnelle, c’est notre lutte. La lutte de la classe ouvrière et des couches populaires du Pays basque”. Le M.A.R déclare : “il n’a aucune volonté ni intérêt ou envie suffisante pour que soient respectés les droits nationaux et sociaux du Pays basque, les droits de la classe ouvrière, les droits des prisonniers”. “Nous faisons ce que nous pouvons mais si ceux qui ont le plus de force ne font rien, la situation semble un peu compliquée, pour le moment”. “Ce qu’il nous reste [...], c’est sortir dans la rue et dénoncer, et rendre visible ce que fait [Txikito]”. “Nous ne pouvons pas cacher le débat qui est là. On peut être d’accord ou non avec les objectifs politiques de Txikito, qui jusqu’à il y a quelques années, étaient les objectifs de ce que l’on connaît comme la gauche patriotique”. Il faut “un futur pour nous et nos fils et filles, en liberté, avec notre culture, notre langue égale aux autres, ni plus ni moins, de façon socialiste, qui soit solidaire avec le reste du monde. Nous ne pouvons pas renoncer à cela, ce débat doit bel et bien être mis sur la table”.
Le 30 octobre 2020, après avoir été transféré une nouvelle fois à l’hôpital et après 50 jours de grève de la faim, Iñaki Bilbao Goikoetxea a mis fin à sa grève. Avec “une voix faible” mais étant “fort et lucide”, il déclara que “la lutte qu’il avait mené n’était pas terminée” : le 2 novembre 2020, il commencera une grève de la faim et de la soif.
